Nuachtlitir Márta 2016

 Seoladh Dialann Dúradáin

Bhí an-lá againn Déardaoin seo caite ar Lá Domhanda na Leabhar nuair a sheol muid Dialann Dúradáin i siopa Eason, Sráid Uí Chonaill, BÁC.  Ní amháin go raibh muide fíor-sásta eagránGaeilge ón tsraith mórdhíola seo a chur ar an saol, ach, in agallamh le Ian Dempsey ar Today FM dúirt údar na sraithe, Jeff Kinney, go raibh áthas ar leith air féin go raibh Diary of a Wimpy Kid™ le fáil i nGaeilge.   Thaitin smaoineamh an chomórtais, a d’fhógair Futa Fata ag tús na bliana ag lorg moltaí do theideal Gaeilge na sraithe, go mór leis. 

Tháinig na céadta moltaí isteach don chomórtas céanna ó cheann ceann na tíre.  An ceann is mó a thaitin linn ó thaobh brí agus rithim dhe, ná Dialann Dúradáin.  Is í Aisling Ni Fhátharta a mhol agus bhuaigh sí luach €500 de leabhair Futa Fata do leabharlann a scoile; Scoil Naisiúna Thír an Fhia i gCo. na Gaillimhe.  Is é Dialann Dúradáin an ceathrú leabhair atá aistrithe ag Máirín Ní Mhárta dúinn.  Ina measc, tá leabhar de chuid Andy Stanton aistrithe aici cheana: Cuileog: An Scéal faoi Chiarán Ó Mianáin, agus chuir sí Gaeilge chomh maith ar An Lámh in Uachtar, úrscéal Fraincise le Hervé Mestron.  Tá Dialann Dúradáin le fáil anois i siopaí maithe leabhar RRP €9.95.

Leabhar na Bliana, Leabhar Pháistí Éireann

Is ar éigin go rabhamar tagtha ar ais chugainn fhéin tar éis na hócáide Déardaoin nuair a fuaireamar deá-scéala eile!  Tá Ná Gabh ar Scoil! le Máire Zepf agus Tarsila Krüse tar éis gearrliosta gradam Leabhar na Bliana a bhaint amach.  Fograíodh an gearrliosta ar an 8ú Márta ag ocáid de chuid Leabhar Pháistí Éireann i mBéal Feiriste. Ba mhaith linn comhghairdeas ó croí a dhéanamh le Tarsila agus Máire.  Is é Ná Gabh ar Scoil! an chéad leabhar atá foilsithe acu beirt linn agus an chéad leabhar atá maisithe ag Tarsila.  Ba mhaith linn comhghairdeas mór millteach a ghabháil freisin lenár gcara Patricia Forde atá ainmnithe chomh maith dá húrscéal The Wordsmith (Little Island).  Ainmníodh Patricia ar ghearrliosta 2013 le Steve Simpson don phictiúrleabhar, Mise agus an Dragún.  Gúimíd gach rath orthu siúd ar fad a fuair ainmniúchán.  Tá cúig gradam in iomlán le bronnadh agus fógrófar na buaiteoirí ag  ocáid sa Smock Alley Theatre, i mBaile Átha Cliath 23ú Bealtaine.

Foghlaí Mara na Tuirce

Anuas ar na deá-scéalta eile ar fad, tá muid an-bhrodúil go bhfuil Lísín, Scoil na bPaistí Deasa scríofa ag Patricia Forde agus maisithe ag Joëlle Dreidemy díreach foilsithe sa Turcais.  Is é seo an chéad leabhar sa tsraith faoin bhfoghlaí mara, Lísín, a bhfuil uirthi saol na mara a fhágáil agus freastal ar Scoil na bPaistí Deasa.  Déanann páistí gálanta na scoile iontas do nósanna aisteacha Lísín.  Ach má dhéanann, fós féin, tá an foghlaí mara beag in ann rudaí nua a mhúineadh do na páistí…..agus do na múinteoirí!  Trí leabhar go dtí seo atá foilsithe sa tsraith; Scoil na bPaistí Deasa, Ní Banphrionsa Mé!, Seachain an Dineasár.  Tá an ceathrú ceann á chur in eagar faoi láthairagus foilseofrar níos deireanaí i mbliana é


© Futa Fata 2016

image
image