AG TEACHT I 2022

Beannachtaí, a chairde, agus fáilte go bliain nua foilsitheoireachta le Futa Fata. Tá obair faoi 200 faoi lán tseoil agus muid ag súil le clár leathan, bríomhar agus tarraingteach a chur faoi bhur mbráid arís i mbliana.  San Earrach, tá ríméad orainn a bheith ag cur lenár stór aistriúchán, le leagan Gaeilge de The Boy in the Dress, ó pheann David Walliams.  Is é sin an chéad leabhar a d’fhoilsigh Walliams agus is í Máirín Ní Mhárta a rinne an leagan Gaeilge.  Foilseofar Buachaill an Ghúna ar an 4ú Feabhra.  Anuas air sin, amach san Fhómhar, beidh muid ag foilsiú eagrán Gaeilge den chéad leabhar sa tsraith Dog Man le Dav Pilkey.  Tá cáil domhanda ar Pilkey agus ar a úrscéalta grafacha do pháistí. Beidh bród bheith mar fhoilsitheoir Gaeilge aige agus a shaothar fíorghreannmhar a fhoilsiú inár dteanga féin in Éirinn.

LÁ DOMHANDA NA LEABHAR

Tá scéitimíní orainn go mbeidh eagrán speisialta de bhuaiteoir Ghradaim Réics Carló 2022, Cluasa Capaill ar an Rí á fhoilsiú againn do Lá Domhanda na Leabhar 2022.  Ar 3ú Márta a dhéanfar ceiliúradh ar Lá Domhanda na Leabhar i mbliana agus dáilfear na mílte dearbhán ar dhaoine óga ar fud na tíre. Beidh siad in ann na dearbháin a úsáid leis an leagan speisialta seo a cheannach i siopaí leabhar fud fad na tíre.  Seo é an chéad uair le blianta fada go bhfuil leabhar Gaeilge i measc na leabhar a bheidh ar fáil don lá mór seo i saol na leabhar.  

CAIRDE

Chuaigh na leabhair Eoinín agus Míp go mór i bhfeidhm ar dhaoine anuraidh agus is cosúil go ndeachaigh na carachtair sin i bhfeidhm oar na healaíontóirí a chruthaigh iad chomh maith mar tá scéal nua ag Muireann Ní Chiobháin faoi Eoinín agus a Chairde ag teacht i mbliana.  Agus, tá Máire Zepf ag scríobh pictiúrleabhiar nua faoina róbat misniúil, Míp, agus cara leis… Beidh Míp augs Blípín le foilsiú amach sa bhliain chomh maith.  Mar sin a chairde, 2022 5, 4, 3, 2, 1…. chun siúil!