Mise Raiftearaí An Fíodóir Focal

Leabhar na Bliana 2015 - Gradam Uí Shúilleabháin

Seo scéal Antaine Uí Reachtabhra, mac fíodóra a chaill radharc na súl agus é ina pháiste, fidléir a chaith a shaol ag fánaíocht thart ar chontae na Gaillimhe, file a labhair amach, gan fuacht gan faitíos, ar son pobail a bhí brúite bascaithe.

Sa chuntas beathaisnéise seo, déanann an t-údar cur síos ar na heachtraí agus ar na pearsana a spreag Raiftearaí chun véarsaíochta, ag féachaint lena chuid cumadóireachta a chur i gcomhthéacs na tréimhse inar mhair sé agus i gcomhthéacs thraidisiún na filíochta in Éirinn. Agus a sheasamh sa bpobal á mheas, lena linn féin agus i ndiaidh a bháis, déantar scagadh ar an réimse leathan seanchais atá ar fáil faoin bhfile. 

Portráid í seo de phearsantacht chasta: bochtán bóthair a raibh saibhreas samhlaíochta aige; ceoltóir leathoilte a chuir na glúnta fonnadóirí ag gabháil fhoinn; fear dall a raibh fís ar leith aige de féin agus dá phobal. Seo scéal Raiftearaí, an fíodóir focal.

Léirmheas Shiún Ní Dhuinn RTÉ 

Léirmheas - Smaointe Fánacha Aonghusa

Léirmheas Tuairisc.ie - Dónall Ó Braonáin

Údar: Tadhg Mac Dhonnagáin

Maisitheoir: Steve Cannon

Foilsithe: 2015

Aoisghrúpa: Daoine Fásta

​​​​​​​